PSJ bosh murabbiyi Maurisio Pochettino Fransiya Liga—1 musobaqasining 22-turidan o‘rin olgan “Reyms”ga qarshi o‘yin arafasida hujumchilar Kilian Mbappe va Lionel Messining holati haqida gapirdi.

“Biz Mbappeni mashg‘ulotga qaytganidan mamnunmiz. U asosiy tarkibga tusha oladimi, yoki yo‘qmi hali noma’lum? Messiga kelsak, u bu hafta jamoa bilan ko‘p mashg‘ulot o‘tkazdi. Ertaga u maydonga tushadi”, - deya Pochettinoning so‘zlarini keltiradi Parij klubi matbuot xizmati.

Fransiyalik hujumchi mushakdagi jarohat tufayli jamoa mashg‘ulotlarini o‘tkazib yubordi.

Fransiya chempionatining 22-turidan o‘rin olgan PSJ – “Reyms” uchrashuvi ertaga, 23 yanvar kuni Parijdagi “Park de Prens” stadionida bo‘lib o‘tadi.