"Ал-Васл" бош мураббийи Диего Марадона "Аш-Шабаб" мухлислари билан жанжалга аралашди, дея хабар беради Daily Mail. Ушбу воқеа Ал-Мамзар шаҳрида "Аш-Шабаб" - "Ал-Васл" жамоалри ўртасидаги ўйиндан (2:0) кейин содир бўлди.
Ишқибозлар "Ал-Васл" мураббийининг трибунада бўлган дугонаси Вероника Охеда ва бир неча футболчиларнинг хотинларини ҳақорат қилишган. Марадона уларни ҳимоя қилишга отилган ва бу орада тартиб посбонлари етиб келишиб жанжалнинг авж олиб кетишининг олдини олган.
Марадона бунга шундай изоҳ берди: " Бу қўрқоқлар аёлларга ҳужум қилишди ва уларда эркак киши билан муштлашишга ҳайиқадилар".
