Янгиердаги ўйинда маҳаллий ёш ўйинчилар Олий лига вакилиги етарлича қаршилик кўрсатишди. Ўйиннинг пенальтилар сериясига қадар чўзилгани ҳам буни исботлаб турибди.
Барибир тажриба бобида бироз тажрибали бўлган самарқандликлар учрашувнинг иккинчи бўлимида пенальти ишлашга муваффақ бўлишди. Бироқ, жамоанинг штатли пенальтичиси Сирожиддин Сайфиев ундан унумли фойдалана олмади ва дарвозалар дахлсизлиги 120-дақиқагача сақланиб қолинди.
Пенальтилар сериясида эса тажриба ўз сўзини айтди. Серияни бошлаб берган Леонид Кошелев адашмаган бўлса, жавоб зарбасида мезмбон футболчи ҳам адлашмади – 1:1.
Бироқ кейинги 2 та зарбани самарқандликлар аниқ амалга ошириб, янгиерликлар ҳар иккала зарбани қийшиқ тепишди – 3:1.
Самарқандликларнинг 4-зарбасини "Янгиер" посбони тўсиб қолишга муваффақ бўлди, ва жавоб зарбасида ҳисобни бироз қисқартиришди – 3:2.
Бу вақтга келиб, самарқандликлар сўнгги зарбани беришда адашишлари талаб этиларди. Бироқ Рўзимбой Аҳмедов иккинчи имкониятида адашмади – 4:2.
Энди самарқандликлар 1/8 финалда "Бухоро"-"Хоразм" жуфтлиги ғолиби билан учрашадилар.
Ўзбекистон кубоги – 2012, 1/16 финал.
ЯНГИЕР– ДИНАМО САМАРҚАНД 0:0
Пеналтилар серияси бўйича 2:4
Амалга оширилмаган пенальти: Сирожиддин Сайфиев (72)
Бош ҳакам: Д.Каримов (Тошкент)
