«Манчестер Юнайтед» бош мураббийи Ральф Рангник кеча «Вест Хэм»га (1:0) қарши ўйиннинг 93-дақиқасида ғалаба голини урган ҳужумчи Маркус Рэшфорд ҳақида юқори гапирди.

«У инглизларнинг энг яхши ҳужумчиларидан бири. Маркус мунтазам равишда терма жамоада ўйнайди. Унинг қанчалик сифатли футболчи эканлигини ҳаммамиз биламиз.

Унда замонавий ҳужумчи учун зарур бўлган деярли ҳамма нарса бор. Унинг тезлиги юқори даражада. «Вест Хэм» ва «Брентфорд»га урилган голлар Маркуснинг ўзига бўлган ишончини оширганига деярли аминман.

Энди сиз ушбу даражани мунтазам равишда намойиш қилиб, олдинга қадам ташлашингиз керак. Менимча, Рэшфорд мавсумнинг қолган қисмида биз учун жуда муҳим роль ўйнай олади», - дейди Рангник.

Жорий мавсумда Рэшфорд «Юнайтед» сафида 17 ўйинда 5 та гол урди.