«Manchester Yunayted» bosh murabbiyi Ralf Rangnik kecha «Vest Xem»ga (1:0) qarshi o‘yinning 93-daqiqasida g‘alaba golini urgan hujumchi Markus Reshford haqida yuqori gapirdi.

«U inglizlarning eng yaxshi hujumchilaridan biri. Markus muntazam ravishda terma jamoada o‘ynaydi. Uning qanchalik sifatli futbolchi ekanligini hammamiz bilamiz.

Unda zamonaviy hujumchi uchun zarur bo‘lgan deyarli hamma narsa bor. Uning tezligi yuqori darajada. «Vest Xem» va «Brentford»ga urilgan gollar Markusning o‘ziga bo‘lgan ishonchini oshirganiga deyarli aminman.

Endi siz ushbu darajani muntazam ravishda namoyish qilib, oldinga qadam tashlashingiz kerak. Menimcha, Reshford mavsumning qolgan qismida biz uchun juda muhim rol o‘ynay oladi», - deydi Rangnik.

Joriy mavsumda Reshford «Yunayted» safida 17 o‘yinda 5 ta gol urdi.