"Милан" бош мураббийи Стефано Пиоли ҳужумчи Златан Ибраҳимовичнинг Италия чемпионатининг 23-тури доирасидаги "Ювентус"га (0:0) қарши ўйинда олган жароҳати ҳақида гапирди.
“Ибрагимович товонида оғриқ сезди, шунинг учун у яқин кунларда тузалиб кетишига умид қиламиз", - дея Пиоли сўзларини келтиради Football Italia.
Учрашувнинг 28-дақиқасида Ибрагимович тўпиғидан олган жароҳати сабаб алмаштирилди. 40 ёшли швед жорий мавсумда 19 та ўйинда майдонга тушиб, 8 та гол урди ва 2 та голли узатмани амалга оширди.
Ушбу ўйиндан кейин "Милан" 49 очко билан турнир жадвалида учинчи, "Ювентус" 42 очко билан бешинчи ўринда бормоқда.
