Бруно Фернандеш жорий мавсум ҳақида гапирди. Ярим ҳимоячи кучли тўртликдан жой олиш муносиб натижа бўлишига ишонмоқда.
“Албатта, Премьер-лигада биз ҳозир чемпионликдан жуда узоқдамиз. Сиз реалист бўлишингиз керак. Биз кучли тўртлик учун кураша оламиз.
Шу билан бирга, бизда ҳали ҳам Чемпионлар лигаси ва Англия кубоги бор. Одамларнинг бизнинг кубок имкониятларимиз ҳақида нима деб ўйлашлари менга қизиқ эмас. Ўйлайманки, иккала фронтда ҳам ғалаба қозона оламиз. Бизда бу турнирлар учун сифат етарли.
Менинг амбицияларим ўзгармади. Мен бу клуб билан совринлар ютмоқчиман. Бу ҳар доим менинг менталитетимда бўлади. Ўйлайманки, бу клубдаги барча чемпионлик унвонига лойиқ”, - дея тушунтирди Фернандеш.
