"Аякс" ҳимоячиси Нусайр Мазрауи ёзда жамоани текинга тарк этиши мумкинлигини айтди.

"Ўйлашимча, "Аякс"да қолиш эҳтимолим жуда кичик, эҳтимол 5 фоиз. Мен янги нарсага очиқман. Мен бу ерда 16 йил ўйнадим ва ҳозир кетиш учун ажойиб вақт, деб ўйлайман", деди Мазрауи ESPN нашрига берган интервьюсида.

Мазрауи 2021/22 йилги мавсумда "Аякс" таркибида 23 та ўйинда майдонга тушиб, 5 та гол ва 3 та голли узатмага муаллифлик қилган. 24 ёшли марокашлик футболчининг клуб билан тузган шартномаси 2022 йилнинг июнь ойи охиригача амал қилади. Олдинроқ футболчига "Барселона", "Арсенал", "Рома" ва "Наполи" клублари қизиқиш билдираётгани ҳақида хабарлар тарқалган эди.