"Барселона" яримҳимоячиси Андрес Иньеста Испания чемпионатининг 31-турида "Атлетик"ка қарши кечган ўйин (2:0), Ла Лига чемпионлиги учун кураш ва "Милан"га қарши жавоб ўйини ҳақида фикр билдирди.
"Биз жуда яхши ўйин ўтказдик, лекин яхшигина тер тўкишимизга тўғри келди. "Атлетик"да голга тортадиган вазиятлар кам бўлди, лекин улар бизни, дарвозабонимизни ҳам қўшиб, бор кучимиз билан ўйнашга мажбур қилди ва биз яхшироқ ўйнадик. Бу ғалаба шуниси билан қадрлики, агар сал бўшашганимизда "Атлетик" деган жамоа бизни жазолаб қўйиши мумкин эди.
Бизга уч очко керак эди, биз уни қўлга киритдик. Шу тарзда ҳар ҳафтада ғалаба қозонаверсак, чемпионлик учун имконият туғилиб қолиши мумкин.
"Милан"га келсак, биз уни ўз мухлисларимиз олдида мағлуб этиб, кейинги босқичга чиқишимиз керак. Биз майдонга ўз кучимизга ишонган ҳолда чиқишимиз зарур бўлади. Бу 90 дақиқали ажойиб футбол бўлади", - дея Иньестанинг сўзларидан иқтибос келтиради "Барселона" клуби расмий сайти.
