Мадриднинг "Реал" клуби 11 январь куни Испания Суперкубоги финалида "Барселона"га қарши ўйин ўтказади. Журналист Мигель Анхель Диас ушбу учрашувдан олдин "қироллик клуби"даги жароҳатланган футболчиларнинг ҳолати бўйича маълумот берди.
Манбага кўра, вингер Родриго финалга тайёр. Унда ҳеч қандай жароҳат аломатлари йўқ.
Марказий ҳимоячи Антонио Рюдигер эса ҳали ҳам тиззасидан олган жароҳатини даволамоқда, аммо у финални ўтказиб юборишни истамайди.
Жамоа юлдузи Килиан Мбаппе сўнгги текширувларда анча яхши ҳолатда эканлиги маълум бўлди. У финалда илк дақиқалардан майдонда ҳаракат қилиши мумкин.
