Мадриднинг «Реал» клуби ҳужумчиси Килиан Мбаппе 11 январь куни бўлиб ўтадиган Испания Суперкубоги финалида «Барселона»га қарши ўйин олдидан соғлиғини хатар остига қўйишни истамаяпти. Шу билан бирга, «Қироллик клуби»да футболчининг мазкур баҳсда иштирок этиш имкониятлари яхши, деб ҳисоблашмоқда. Бу ҳақда L’Équipe хабар берди.

Эслатиб ўтамиз, 31 декабрь куни "Қироллик клуби" Мбаппенинг чап тиззаси боғламларида чўзилиш борлигини маълум қилган эди.

Манбага кўра, таваккал қилиш истаги бўлмаса-да, Мбаппе 2026 йилда «Реал» сафида илк совринини қўлга киритишни жуда истамоқда. 27 ёшли ҳужумчи «Барселона»га қарши ўйинда оғриқ қолдирувчи воситалар ёрдамида майдонга тушиши мумкинлиги истисно қилинмаяпти. Франциялик футболчининг финалда иштирок этиши-этмаслиги жамоанинг 10 январь куни кечқурун бўлиб ўтадиган машғулотидан сўнг аниқ бўлади.

Испания суперкубоги, финал
11 январь 2026 йил, якшанба. 23:59
Барселона — Реал Мадрид