"Манчестер Юнайтед" ва Аргентина терма жамоасининг собиқ ҳужумчиси Карлос Тевес "қизил иблислар" ҳужумчиси Криштиану Роналду ва "ПСЖ" ҳужумчиси Лионел Месси ҳақида фикр билдирди.
“Бу икки ажойиб футболчи. Менга иккаласи ҳам ёқади, улардан кўп нарсани ўргандим. Уларнинг иккаласи ҳам бу дунёдан эмас.
Мен ҳар куни Криштиану билан кўп вақт ўтказдим, Леони терма жамоада кўрдим. Улар бошқа сайёрадан. Улар ҳали ҳам футбол элитасида, бу даражада қолиши жуда қийин. Бу ҳайратланарли. Бундай ўйинчилар олдида шляпангизни ечсангиз ҳам бўлади", - дея Тевеснинг сўзларини иқтибос келтиради TyC Spors ESPNга таяниб.
