УЕФА ўзининг йиллик ҳисоботини эълон қилди, унда асосий эътибор Европа клублари футболининг коронавирус пандемияси давридаги молиявий ҳолатига бағишланганди.

Ҳисоботнинг сўзбошисида УЕФА президенти Александер Чеферин шундай деди: "2021/2022 йилги мавсум ўртасига яқинлашар экан, жамоаларда тикланиш аломатлари бор. Бу бутун Европа бўйлаб ўйинларни ташкил этиш ва самарали тиббий протоколларни ишлаб чиқишдаги катта саъй-ҳаракатлар эвазига эришилган клублар саломатлигининг муҳим кўрсаткичидир”.

Ҳисоботнинг энг кескин хулосаларидан бири шундаки, йўқолган даромадларнинг катта қисми - 4,4 миллиард евро ёки ундан кўпроғи чипта сотишдан тушадиган даромаднинг йўқолиши билан боғлиқ бўлиб, бу даромад оқими молиявий йил - 2020 йилда деярли йўқ бўлиб кетди (88 фоизга камайди)..

Табиийки, чипта сотишдан тушган даромаднинг йўқолиши клубларнинг умумий молиявий ҳолатига жиддий таъсир кўрсатди. Ҳисобот шуни кўрсатадики, пандемиянинг 2019/2020 ва 2020/2021 йилги мавсумларда клуб даромадларига умумий таъсири 7 миллиард еврони ташкил қилган.