"Ливерпуль" бош мураббийи Юрген Клопп ҳужумчилар Муҳаммад Салоҳ ва Садио Мане келаси ҳафта жамоага қайтишини айтди.
Айни дамда иккала футболчи ҳам Африка кубогида иштирок этишади ва улар турнир финалида тўқнаш келишади. Салоҳ Миср терма жамоасида, Мане Сенегал термасида ўйнайди.
“Ўйлайманки, улар келаси пайшанба куни “Лестер” билан ўйнаши мумкин. Ғалаба қозонган биринчи навбатда ўз ватанига чемпионлик парадига боради ва сешанба ёки чоршанба куни бизга қайтиб келади", дея Клоппнинг сўзларини келтиради Жеймс Пирс.
Англия чемпионатининг 24-туридан ўрин олган “Ливерпуль” – “Лестер” учрашуви 10 февраль куни бўлиб ўтади.
