«Интер» бош мураббийи Симоне Инзаги бўлажак Милан дербиси олдидан ўз фикрлари билан ўртоқлашди.
«Нерадзуррилар» устозининг фикрича, А Серия чемпионлиги учун баҳс ҳал қилувчи аҳамиятга эга бўлмайди.
«Бу ўйин ҳал қилувчи бўлади деб ўйламайман, чунки олдинда ҳали кўп ўйинлар бор. Биринчи давра учрашувида нима бўлганини кўрдик.
Ўшанда биз «Милан»дан 7 очкога ортда қолгандик, аммо кейин жадвалда уларни ортда қолдиришга муваффақ бўлдик. Бу ҳам шундай тус олишига ишонаман», - дейди Инзаги.
Эслатиб ўтамиз, айни дам «Интер» Италия чемпионати турнир жадвалида «Милан»дан 5 очкога олдинда бормоқда. Милан дербиси 5 февраль шанба куни бошланади.