Криштиану Роналду охирги пайтларда ўзининг энг яхши ўйинларини кўрсатмаяпти.
«Манчестер Юнайтед»нинг сўнгги тўртта учрашувида португалиялик юлдуз умуман гол ура олмади. Агар Роналду кейинги ўйинда ҳам гол ура олмаса, у ҳолда 2010 йилдан бери энг узун «қуруқ» сериясига дуч келади.
Ўшанда Роналду «Реал Мадрид» футболчиси бўлган ҳолда кетма-кет бешта ўйинда гол ура олмаган эди.
«Манчестер Юнайтед» навбатдаги ўйинини 8 февраль сешанба куни ўтказади. Рангник шогирдлари АПЛ доирасида меҳмонда «Бёрнли» билан ўйнайди.
Эслатиб ўтамиз, 5 февраль, шанба куни Криштиану Роналду 37 ёшга тўлган эди.
