«Барселона» яримҳимоячиси Гави ва ҳимоячи Роналд Араухо Каталония клубининг янги шартнома имзолаш бўйича дастлабки таклифларини рад этишди.
Қайд этилишича, иккала ўйинчи ҳам «Барселона»дан молиявий томонлама яхшиланган таклифни кутмоқда.
17 ёшли Гави жорий мавсумда Ла Лига ва Чемпионлар Лигасида 26 та ўйинда майдонга тушиб, 1 та гол урди ва 3 та голли узатмани амалга оширди. Яримҳимоячининг «Барселона» билан шартномаси 2023 йилда якунига етади. Трансфермаркт яримҳимоячининг бозор қийматини 40 миллион еврога баҳоламоқда.
Араухо 2020 йилдан бери каталонияликлар сафида ўйнамоқда. Футболчининг клуб билан шартномаси 2023 йилнинг июнига қадар мўлжалланган. Футболчининг бозор нархи 35 миллион еврони ташкил қилади.
