Мадриднинг “Реал” клуби ярим ҳимоячи Лука Модрич билан шартнома узайтиришга яқин турибди. Инсайдер Фабрицио Романонинг фикрича, хорватиялик “қаймоқранглилар” сафила ҳеч бўлмаганда 2022/23 йилги мавсум охиригача қолиши мумкин.
Қайд этилишича, Модрич “Реал” бош мураббийи Карло Анчелоттининг ишончли футболчиси ҳисобланади. Италиялик учун ярим ҳимоячи жамоанинг ўйин тизимининг асосий фигурасидир.
Эслатиб ўтамиз, Модрич “Реал”га 2012 йилнинг ёзида Лондоннинг “Тоттенхэм” клубидан ўтган эди. Ўшандан бери ярим ҳимоячи “қаймоқранглилар” билан кўплаб совринларни қўлга киритди. Жумладан, 4 марта Чемпионлар Лигаси бош совринига эга чиққан.
