Бразилия терма жамоаси Жаҳон чемпионати — 2026 доирасидаги навбатдаги учрашувда юлдуз вингер Рафиньянинг хизматларидан фойдалана олмайди. Бу ҳақда Globo журналистлари хабар бермоқда.
Манбага маълум бўлишича, ҳужумкор ярим ҳимоячи сонининг орқа мушаги жароҳатлангани сабабли Япония терма жамоасига қарши кечадиган 1/16 финал баҳсида иштирок этмайди. Рафинья ушбу жароҳатни мундиалнинг гуруҳ босқичидан ўрин олган Гаити терма жамоасига қарши учрашувда (3:0) орттириб олган эди.
Агар Карло Анчелотти шогирдлари кейинги босқич йўлланмасини қўлга кирита олишса, футболчи 1/8 финал учрашувларига қадар сафга қайтиши кутилмоқда.
Бразилия ва Япония терма жамоалари ўртасидаги учрашув душанба куни, 29 июнь куни бўлиб ўтади.
