Испаниялик ярим ҳимоячининг фикрича, Бэйл матбуотда ноҳақ танқид қилинмоқда. Шунчаки, футболчининг ўзига хос характери бор.
“У ўзини нормаль тутади, яхши жисмоний ҳолатда бўлишни хоҳлайди. Унинг мақсади - жамоага ёрдам бериш. Бу Мадридга кўп нарса берган футболчи. У бу мавсумда ҳам бизга ёрдам бера олади.
У кийиниш хонасида ёлғизми? Ташқаридан шундай кўринади, лекин машғулотларда у хотиржамлик билан бирлашади. Ҳамма билан кун бўйи ҳазил қилиб бўлмайди. Ҳар кимнинг ўз характери бор. Айтишим мумкинки, Бэйл матбуотда кўрсатилгандек эмас”, - дея хулоса қилди Асенсио.
