"Ливерпул" "Барселона"нинг 17 ёшли ярим ҳимоячиси Гавига қизиқиш билдирмоқда. Бу ҳақда Sport.es нашри хабар бермоқда.

17 ёшли футболчининг 2023 йилнинг ёзига қадар мўлжалланган шартномасидаги товон пули 41,75 миллион фунтни ташкил этади, бу эса мерсисайдликлар учун муаммоли сумма эмас. Қолаверса, "Барселона" ҳозирги молиявий ҳолатида футболчига "Ливерпуль" каби катта шартнома таклиф қила олмайди. Бироқ, манбанинг хабарига кўра, футболчининг ўзи "Барса"да қолишга қарор қилган, чунки у ўз ватан клубини яхши кўради ва бош мураббий Хавига ажойиб жамоа қуришда ёрдам бермоқчи.

Гави "Барселона" академиясига 2015 йилда келган. 2020 йил сентябрь ойида у “кўк-анорранглилар” билан биринчи профессионал шартномасини имзолади.

2021/22 йилги мавсумда Гави каталонияликлар сафида барча турнирлар доирасида 27 та ўйинда майдонга тушиб, 2 та гол урди ва 3 та голли узатмани амалга оширди.

Январ ойи бошида ярим ҳимоячига "Манчестер Сити" қизиқиш билдираётгани ҳақида ҳам хабарлар тарқалганди.