"Liverpul" "Barselona"ning 17 yoshli yarim himoyachisi Gaviga qiziqish bildirmoqda. Bu haqda Sport.es nashri xabar bermoqda.
17 yoshli futbolchining 2023 yilning yoziga qadar mo‘ljallangan shartnomasidagi tovon puli 41,75 million funtni tashkil etadi, bu esa mersisaydliklar uchun muammoli summa emas. Qolaversa, "Barselona" hozirgi moliyaviy holatida futbolchiga "Liverpul" kabi katta shartnoma taklif qila olmaydi. Biroq, manbaning xabariga ko‘ra, futbolchining o‘zi "Barsa"da qolishga qaror qilgan, chunki u o‘z vatan klubini yaxshi ko‘radi va bosh murabbiy Xaviga ajoyib jamoa qurishda yordam bermoqchi.
Gavi "Barselona" akademiyasiga 2015 yilda kelgan. 2020 yil sentyabr oyida u “ko‘k-anorranglilar” bilan birinchi professional shartnomasini imzoladi.
2021/22 yilgi mavsumda Gavi kataloniyaliklar safida barcha turnirlar doirasida 27 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
Yanvar oyi boshida yarim himoyachiga "Manchester Siti" qiziqish bildirayotgani haqida ham xabarlar tarqalgandi.
