Лондоннинг “Тоттенхэм” клуби бош мураббийи Антонио Конте қишда Туриннинг “Ювентус” клубидан жамоага келган янги футболчилар Деян Кулусевски ва Родриго Бентанкур ҳақидаги таассуротлари билан ўртоқлашди.
“Улар яхши иш қилишяпти ва менга уларнинг футболимизни тушуниши ёқди. Янги келганларнинг иккаласи ҳам ажойиб футболчилар. Албатта, дастлаб уларга жамоага кириб бориш ва баъзи тактик тамойилларни тушуниш учун вақт керак бўлади. Бироқ, мен уларга ишонишим мумкинлигидан хурсандман”, деди Конте матбуот анжуманида.
Эслатиб ўтамиз, айни дамда "Тоттенхэм" Премьер-лиганинг кучли 4талигига кириш учун курашмоқда. Аввалроқ, Антонио Конте унинг клуби келажакда чемпионлик учун курашиш ниятида эканлигини айтганди.
