Londonning “Tottenxem” klubi bosh murabbiyi Antonio Konte qishda Turinning “Yuventus” klubidan jamoaga kelgan yangi futbolchilar Deyan Kulusevski va Rodrigo Bentankur haqidagi taassurotlari bilan o‘rtoqlashdi.
“Ular yaxshi ish qilishyapti va menga ularning futbolimizni tushunishi yoqdi. Yangi kelganlarning ikkalasi ham ajoyib futbolchilar. Albatta, dastlab ularga jamoaga kirib borish va ba’zi taktik tamoyillarni tushunish uchun vaqt kerak bo‘ladi. Biroq, men ularga ishonishim mumkinligidan xursandman”, dedi Konte matbuot anjumanida.
Eslatib o‘tamiz, ayni damda "Tottenxem" Premyer-liganing kuchli 4taligiga kirish uchun kurashmoqda. Avvalroq, Antonio Konte uning klubi kelajakda chempionlik uchun kurashish niyatida ekanligini aytgandi.
