Мадриднинг “Атлетико” клуби ярим ҳимоячиси Жоау Феликс “Манчестер Юнайтед”га қарши бўлиб ўтадиган Чемпионлар Лигаси 1/4 финал ўйини олдидан ўз фикрлари билан ўртоқлашди. Шунингдек, Португалия терма жамоасидаги шериги Бруно Фернандеш билан ўйин ҳақида фикр алмашишга улгурганини айтди.
“Қуръадан сўнг биз Фернандеш билан бир нечта хабар алмашдик. У жуда яхши футболчи. Брунонинг ёнида ўйнаш ҳар доим осон. Тўп унда бўлса, Фернандеш доим энг яхши вариантни танлайди ва сизга гол уриш имкониятини яратиб беради. Шунинг учун у доимо кўп голли узатмаларга муаллифлик қилган”, - дея Феликснинг сўзларидан келтиради Британиянинг The Athletic нашри.
