Madridning “Atletiko” klubi yarim himoyachisi Joau Feliks “Manchester Yunayted”ga qarshi bo‘lib o‘tadigan Chempionlar Ligasi 1/4 final o‘yini oldidan o‘z fikrlari bilan o‘rtoqlashdi. Shuningdek, Portugaliya terma jamoasidagi sherigi Bruno Fernandesh bilan o‘yin haqida fikr almashishga ulgurganini aytdi.
“Qur’adan so‘ng biz Fernandesh bilan bir nechta xabar almashdik. U juda yaxshi futbolchi. Brunoning yonida o‘ynash har doim oson. To‘p unda bo‘lsa, Fernandesh doim eng yaxshi variantni tanlaydi va sizga gol urish imkoniyatini yaratib beradi. Shuning uchun u doimo ko‘p golli uzatmalarga mualliflik qilgan”, - deya Feliksning so‘zlaridan keltiradi Britaniyaning The Athletic nashri.
