Бразилиянинг "Палмейрас" клуби устози Абел Феррейра унинг жамоаси финалда "Челси"ни мағлуб этиш учун майдонга тушишини билдирди. У "Ал-Аҳли" устидан қозонилган ғалабадан кейин шундай дейди:
"Биз жамоа билан бир оиламиз. Бирга мағлуб бўлиб, бирга зафар қучамиз. Мен бугунги ғалаба билан барчани табриклайман. Бизнинг ўйинимиз мувозанатлашган. Рақиб ким бўлишидан қатъий назар, унга мослашамиз ва ҳурмат бажо келтирамиз.
Очиғини айтганда, биз ўз имкониятларимизнинг 30 фоизини кўрсатдик, холос. Ҳа, жуда ҳам ақлли жамоага қарши ўйнадик. Аммо улар бугун мағлуб бўлишди. Финалга чиқиш бизга ғурур бахш этади. Биламиз, финал оғир кечади. Аммо биз фақат ва фақат ғалаба учун майдонга тушамиз".
