Braziliyaning "Palmeyras" klubi ustozi Abel Ferreyra uning jamoasi finalda "Chelsi"ni mag‘lub etish uchun maydonga tushishini bildirdi. U "Al-Ahli" ustidan qozonilgan g‘alabadan keyin shunday deydi:

"Biz jamoa bilan bir oilamiz. Birga mag‘lub bo‘lib, birga zafar quchamiz. Men bugungi g‘alaba bilan barchani tabriklayman. Bizning o‘yinimiz muvozanatlashgan. Raqib kim bo‘lishidan qat’iy nazar, unga moslashamiz va hurmat bajo keltiramiz.

Ochig‘ini aytganda, biz o‘z imkoniyatlarimizning 30 foizini ko‘rsatdik, xolos. Ha, juda ham aqlli jamoaga qarshi o‘ynadik. Ammo ular bugun mag‘lub bo‘lishdi. Finalga chiqish bizga g‘urur baxsh etadi. Bilamiz, final og‘ir kechadi. Ammo biz faqat va faqat g‘alaba uchun maydonga tushamiz".