"Манчестер Юнайтед"нинг собиқ футболчиси Люк Чадуик Криштиану Роналду ҳақида гапирди. У шундай дейди:

"Ишончим комил, "Бёрнли"га қарши ўйиндан кейин Роналду жуда хафа бўлган. Чунки у ҳар бир ўйинда асосий таркибда тушишни истайди. У ўзини ёши ўтиб қолган деб ҳисобламайди. Роналду дунёда яшаган энг яхши футболчидан бири. Бунга шубҳа йўқ. У ўзини ҳар бир ўйинда асосий роль ўйнашини истайди.

"Бёрнли"га қарши баҳсда айнан ўша нарса, асосий саҳнага чиқа олмаганидан хафа бўлди. Чунки имкониятларни кўкка совурди. Шунга қарамай, мухлисларнинг унга нисбатан муносабати ўзгармайди. Шуниям айтишим керакки, Роналду "МЮ"даги катта муаммо эмас. Жамоа менталитетида муаммолар бор, менимча".

Эслатиб ўтамиз, "МЮ" сўнгги турда дуранг ўйнаб, ўзининг тўртинчи ўринини қўлдан бой берди.