Антонио Кассано ноябрь ойида юрагини кичик операция қилишидан аввал "Барселона" ярим ҳимоячиси Андреа Иньеста унга қўнғироқ қилганлигини айтиб ўтди.
"Операциядан аввал менга Иньеста қўнғироқ қилиб, далда берди. Шунда қанчадан-қанча одамлар мен учун қайғуришаётганини тушуниб етдим", — деди Кассано Studio Sportга берган интевьюси чоғида.
Хабарингиз бор, 29 ёшли ҳужумчи 29 октябрь куни "Рома"га қарши сафар учрашувидан сўнг, самолётда қайтаётганда мияга қон қуйилиш касаллиги билан шифохонага ётқизилган ва операция қилинган эди. Ҳозир тўлиқ даволаниш курсини ўтаган Кассано касалликдан тузалиб яна яшил майдонга қайтиш арафасида турибди.