"Лестер Сити" устози Бренден Рожерс "Вест Хэм"га қарши ўйиндан кейин ўз фикрларини билдириб ўтди. Мутахассис жумладан шундай дейди:
"Натижа бизни хафа қилди. Биз ғалабага юз фоиз лойиқ эдик. Футболчилар ўз ишларини зўр бажаришди. Ҳа, ўйин аввалида футболчилар онгида бироз безовталик бор бўлган бўлиши мумкин. Бу нарса мухлислар ҳамда сўнгги натижалар сабаб юзага келади. Биринчи бўлимни иккинчи қисмида ўзимизни қўлга олдик ва ҳиссиётларимизни бошқара олдик.
Иккита гол адолатлик киритилди. Афсуски, сўнгги дақиқаларда жамоага бироз совуққонлик етишмади. Бу нарса бизда анчадан бери кузатилмоқда. Шу сабаб, сўнгги ўйинлардан максимум тўққиз очкодан еттитасини бой бердик. Бу эса бизни турнир жадвалида пастга тортиб кетди".
