"Lester Siti" ustozi Brenden Rojers "Vest Xem"ga qarshi o‘yindan keyin o‘z fikrlarini bildirib o‘tdi. Mutaxassis jumladan shunday deydi:
"Natija bizni xafa qildi. Biz g‘alabaga yuz foiz loyiq edik. Futbolchilar o‘z ishlarini zo‘r bajarishdi. Ha, o‘yin avvalida futbolchilar ongida biroz bezovtalik bor bo‘lgan bo‘lishi mumkin. Bu narsa muxlislar hamda so‘nggi natijalar sabab yuzaga keladi. Birinchi bo‘limni ikkinchi qismida o‘zimizni qo‘lga oldik va hissiyotlarimizni boshqara oldik.
Ikkita gol adolatlik kiritildi. Afsuski, so‘nggi daqiqalarda jamoaga biroz sovuqqonlik yetishmadi. Bu narsa bizda anchadan beri kuzatilmoqda. Shu sabab, so‘nggi o‘yinlardan maksimum to‘qqiz ochkodan yettitasini boy berdik. Bu esa bizni turnir jadvalida pastga tortib ketdi".
