Хабарингиз бор, миллий терма жамоа базаси ва Республика футбол маҳорат мактаби учун иккита гибрид ва иккита сунъий майдон қуриш бўйича тендер эълон қилинган ва унда Туркиянинг «HATKO» компанияси ғолиб чиққан эди.
Кеча ЎФА раҳбарияти ва «HATKO» бош директори Гушен Хатко ўртасида учрашув бўлиб ўтди. Унда лойиҳага киритилган объектларнинг қурилиш сифати ва замонавий жиҳозлар билан таъминланиш масаласи муҳокама қилинди.
Шунингдек, учрашувда майдонлар ҳолати, уларни сақлаш технологиялари, стадион инфратузилмаси юзасидан фикр алмашилди. Бу борада майдонларни яхши ҳолатда сақлаш учун керакли техникани ҳарид қилиш режаси илгари сурилди. Бундан ташқари, маҳаллий мутахассисларнинг ҳам қурилиш борасидаги фикр-мулоҳазалари тингланди.
Маълумот учун, «HATKO» юқори сифатли майдонлар ишлаб чиқаришга ихтисослашган компания бўлиб, унинг йиллик ишлаб чиқариш қуввати 6 млн ккв. метрни ташкил этади.