Европа Чемпионлар лигаси ⅛ финалидан ўрин олган "ПСЖ" — "Реал" дастлабки ўйини якунига етди.

Париждаги "Парк-де-Пренс" стадионида бўлиб ўтган баҳсда мезбонлар минимал 1:0 ҳисобида ғалаба қозонди. Ўйин давомида устунлик кутилганидек парижликлар томонда бўлди.

Кўплаб ҳужумларнинг бирида "қаймоқранглилар" ҳимоячиси Дани Карвахаль ўз жарима майдончаси ичида Мбаппега нисбатан ўйин қоидасини бузди. Тўп олдига яқинлашган Лионель Месси 11 метрлик жарима зарбасини муваффақиятли якунлай олмади, Куртуа — вазият қаҳрамони.

Ўйин якунланишига сониялар қолганида яна ўша Мбаппе икки ҳимоячи ўртасидан ўтиб, Тибо Куртуа оёқлари орасидан гол уради. Вазиятни ўзгартириш учун "Реал"да вақт ҳам, имкон ҳам қолмайди. Якуний ҳисоб, 1:0.

Томонлар ўртасидаги жавоб ўйини 9 март кунига белгиланган.

Европа Чемпионлар лигаси, ⅛ финал.

Дастлабки ўйин.

"ПСЖ" — "Реал Мадрид" — 1:0

Гол: Мбаппе, 90+4 (1:0)

Фойдаланилмаган пенальти: Месси, 62

ПСЖ: Доннарумма, Нуну Мендеш, Кимпембе, Маркиньюс, Хакимий, Верратти, Паредес, Данилу Перрейра (Гей, 87), Ди Мария (Неймар, 73), Месси, Мбаппе

Реал: Куртуа, Менди, Алаба, Эдер Милитау, Карвахаль (Васкес, 72), Модрич (Вальверде, 82), Каземиру, Кроос, Винисиус Жуниор (Азар, 82), Бензема (Бэйл, 88), Асенсио (Родригу, 72)