Yevropa Chempionlar ligasi ⅛ finalidan o‘rin olgan "PSJ" — "Real" dastlabki o‘yini yakuniga yetdi.
Parijdagi "Park-de-Prens" stadionida bo‘lib o‘tgan bahsda mezbonlar minimal 1:0 hisobida g‘alaba qozondi. O‘yin davomida ustunlik kutilganidek parijliklar tomonda bo‘ldi.
Ko‘plab hujumlarning birida "qaymoqranglilar" himoyachisi Dani Karvaxal o‘z jarima maydonchasi ichida Mbappega nisbatan o‘yin qoidasini buzdi. To‘p oldiga yaqinlashgan Lionel Messi 11 metrlik jarima zarbasini muvaffaqiyatli yakunlay olmadi, Kurtua — vaziyat qahramoni.
O‘yin yakunlanishiga soniyalar qolganida yana o‘sha Mbappe ikki himoyachi o‘rtasidan o‘tib, Tibo Kurtua oyoqlari orasidan gol uradi. Vaziyatni o‘zgartirish uchun "Real"da vaqt ham, imkon ham qolmaydi. Yakuniy hisob, 1:0.
Tomonlar o‘rtasidagi javob o‘yini 9 mart kuniga belgilangan.
Yevropa Chempionlar ligasi, ⅛ final.
Dastlabki o‘yin.
"PSJ" — "Real Madrid" — 1:0
Gol: Mbappe, 90+4 (1:0)
Foydalanilmagan penalti: Messi, 62
PSJ: Donnarumma, Nunu Mendesh, Kimpembe, Markinyus, Xakimiy, Verratti, Paredes, Danilu Perreyra (Gey, 87), Di Mariya (Neymar, 73), Messi, Mbappe
Real: Kurtua, Mendi, Alaba, Eder Militau, Karvaxal (Vaskes, 72), Modrich (Valverde, 82), Kazemiru, Kroos, Vinisius Junior (Azar, 82), Benzema (Beyl, 88), Asensio (Rodrigu, 72)
