«Реал» дарвозабони Тибо Куртуа Европа чемпионлар лигаси нимчорак финал босқичи доирасида бўлиб ўтган «ПСЖ»га қарши дастлабк ўйин (0:1) борасида ўз фикрини билдириб ўтди.

«Биз ажойиб ва кучли жамоага қарши сафарда ўйнадик. Ўйинни яхши бошлагандик, аммо, тўп билан хотиржам муомалада бўла олмаганимиз учун қийналдик.

Аҳмоқона тарзда тўпни йўқотдик, Мбаппе икки ҳимоячи орасидан ўтиб кетиб, дарвозани ишғол қилди. Биз ёмон ўйнаганимизни қабул қилиш қийин. Ачинарли. Аммо жавоб ўйини олдидан ҳали ҳеч нарса йўқотмадик. Жавоб ўйинида ғалаба қозонишимиз кераклигини биламиз. Бунга эришиш учун мухлислар ёрдамига эга бўламиз.

Бундай баҳсларда дарвозабонлар кўп меҳнат қилишига тўғри келади. Мен Месси ижросидаги пенальтиларни ўргангандим. Дарвоза чизиғида тури, у билан бироз ўйин қилишга ҳаракат қилдим», – деди Куртуа.