"Барселона" ярим ҳимоячиси Педри Гонсалес Европа лигаси 1/16 финалидаги "Наполи"га қарши ўйин ҳақида ўз фикрлари билан ўртоқлашди.
"Бу биз учун муҳим ўйин, Чемпионлар лигасида хоҳлагандек ўйин кўрсата олмадик, лекин Европа лигасида яхшироқ натижа кўрсатишни истаймиз. "Барселона" ҳар доим фаворит ва ғалаба қозонишга ўрганиб қолган, шу сабаб, бу ўйинда ҳам ғалаба қозонишга ҳаракат қиламиз. Мухлислар бизнинг ўйинларимиздан хурсанд бўлишларини истаймиз.
"Наполи" — яхши ярим ҳимоячиларга эга клуб. Испания терма жамоаси аъзоси Фабиан [Руис]ни биламан. Улар марказда жуда яхши ўйнашади. Аммо, биз ўйинни назорат қилиб, ғалаба қозонишга ҳаракат қиламиз.
Биз муваффақиятга интилаётган йигитлармиз, биз “Барселона”миз. Клубимиз шарафи учун умримизнинг охиригача курашамиз", - деди испаниялик футболчи.
"Барселона" - "Наполи" ўйини эртага, 17 феврал куни бўлиб ўтади.
