Италиянинг “Лацио” клуби ҳимоячиси Луис Фелипе Испаниянинг “Бетис” клуби билан шартнома имзолайди. Бу ҳақда журналист Никола Cкира "Twitter"да хабар берди.
Ушбу ёзда эркин агент сифатида "Реал Бетис"га ўтадиган 24 ёшли бразилиялик футболчи янги жамоаси билан 4 йиллик шартнома имзолайди.
Аввалроқ Фелипе хизматига Санкт-Петербургнинг "Зенит" клуби қизиқаётгани ҳақида хабар берилганди. Жорий мавсумда Фелипе барча турнирларда 30 та учрашувда қатнашган. "Transfermarkt" томонидан футболчининг бозор қиймати 18 миллион еврога баҳоланган.