Italiyaning “Lasio” klubi himoyachisi Luis Felipe Ispaniyaning “Betis” klubi bilan shartnoma imzolaydi. Bu haqda jurnalist Nikola Skira "Twitter"da xabar berdi.
Ushbu yozda erkin agent sifatida "Real Betis"ga o‘tadigan 24 yoshli braziliyalik futbolchi yangi jamoasi bilan 4 yillik shartnoma imzolaydi.
Avvalroq Felipe xizmatiga Sankt-Peterburgning "Zenit" klubi qiziqayotgani haqida xabar berilgandi. Joriy mavsumda Felipe barcha turnirlarda 30 ta uchrashuvda qatnashgan. "Transfermarkt" tomonidan futbolchining bozor qiymati 18 million yevroga baholangan.