«Тоттенҳэм» бош мураббийи Ҳарри Реднаппнинг таъкидлашича, жамоанинг тактик схемалар устида ўтказган тажрибалари Англия Премьер-лигаси 33-турида «Норвич» билан ўйиндаги мағлубиятга сабаб бўлган.
Эслатиб ўтамиз, «Тоттенҳэм» ўз майдонида «Норвич»га 1:2 ҳисобида имкониятни бой берди.
«Рақибга тан бериш керак, улар ҳақли равишда ғалаба қозонишди. Биз ҳаммамиз қайд этилган натижадан афсусдамиз», деди Ҳарри Реднапп.
«4-4-2 кўринишидаги ўйин тузилиши шунга олиб келдики, биз рақибга эркин ҳаракат қилиши ҳаддан ташқари кўп ҳудуд қолдирдик. Бу ўйин жамоамиз ҳимояси учун жуда ҳам оғир бўлди. Тезроқ уни унутиш керак», дея қўшимча қилди «Тоттенҳэм» бош мураббийи Ҳарри Реднапп.