«Эспаньол» мухлислари «Барселона»га қарши ўйинда Жерар Пике ва унинг рафиқаси Шакирани ҳақорат қилишди.

Ла Лига буни қоралаб, Испания чемпионатининг 24-туридан ўрин олган ўйиндан кейин содир бўлган воқеа юзасидан шикоят қилди. Шикоят Испания Қироллик футбол федерациясига юборилган.

Жами бўлиб, турли хил ҳақоратли қўшиқларнинг 14 та ҳолати ҳисобга олинди. 8 марта «Эспаньол» мухлислари «puta Barça» деб ҳайқиришди.

Пикега нисбатан 4 марта айтилди: «Пике эчки, Шакиранинг думи бор, сизнинг ўғлингиз Вакасоники, сиз эса иблиссиз». Бу 2018 ва 2020 йилларда ҳам содир бўлганди.