Ёзда «ПСЖ» билан шартномаси якуниига етадиган аргентиналик тажрибали вингер Анхель ди Мария фаолиятини қайси клубда давом эттиришни ҳал қилмоқчи. 34 ёшли ярим ҳимоячига Жанубий Америка клублари қизиқиш билдираётгани ҳақида хабарлар бор.
Ди Мариянинг ўзи Европани тарк этишни истамаяпти, дея хабар берди инсайдер Экрем Конур ўзининг твиттер саҳифасида. Анхель жорий мавсум якунига қадар янги клуби ҳақида қарор қабул қилишни режалаштирмоқда. Олдинроқ футболчига «Барселона»дан қизиқиш бўлганлиги ҳақида хабарлар тарқалган эди.
Аргентиналик футболчи 2015 йилдан буён парижликлар жамоаси азоси ҳисобланади. Футболчи Франция чемпионатининг жорий мавсумида 17 та жангда қатнашиб, 3 та гол ва 4 та голли узатмани амалга оширди.
