«Манчестер Сити» ҳужумчиси Марио Балотелли «Арсенал»га қарши Англия Премьер-лигаси 32-тур ўйинидаги ҳулқи учун жамоадан узр сўради. Бу ҳақда «Ansa» ахборот агентлиги хабар бермоқда.
«Бўлиб ўтган воқеа учун, жамоа ва шахсан Роберто Манчинининг хафсаласини пир қилганим учун, улардан узр сўрамоқчиман. Мен бу инсонни жуда ҳам ҳурмат қиламан», - деди италиялик ҳужумчи.
«Келажагим борасида гапирадиган бўлсам, ҳаммаси мавсум якунига етганидан сўнг маълум бўлади. Клуб билан музокаралар олиб борамиз, нима бўлишини ўшанда кўрамиз», - дея қўшимча қилди «Манчестер Сити» ҳужумчиси Марио Балотелли.













