Мадриднинг «Реал» клуби раҳбарияти жамоа бош мураббийи Карло Анчелоттини истеъфога чиқаришга шошилмаяпти.
Бироқ «қаймоқранглилар» раҳбарлари италиялик мутахассис олдига бир қатор талабларни қўйишди. Бу ҳақда Испаниянинг ABC нашри хабар бермоқда.
Хусусан, Анчелотти "Реал" клуби футболчиларининг жисмоний формасини яхшилаши шарт. «ПСЖ»га қарши ўйинда жамоа жисмоний тарафдан кучсиз эканлиги кўриниб қолди.
Қолаверса, «Реал Мадрид» раҳбарлари нима учун Федерико Вальверде ва Эдуардо Камавинлар кам ўйин амалиётига эга бўлишаётганини тушунишмаяпти.
