Англиянинг «Манчестер Юнайтед» клуби ярим ҳимоячиси Поль Погба ёзги трансфер ойнасида Франциянинг «ПСЖ» клуби футболчисига айланиши мумкин. Бу ҳақда Todofichajes нашри хабар бермоқда.
Манбанинг хабарига кўра, «ПСЖ» 28 ёшли футболчига 1 мавсум учун 16 миллион евро маош тўлашга, шунингдек, унга 2027 йилгача шартнома таклиф қилишга тайёр. Шунингдек, аввалроқ Погбага қизиқиш билдирган «Ювентус» французнинг молиявий талаблари туфайли трансферни якунлай олмайди.
Маълумот ўрнида, футболчи мавсум охирида «Манчестер Юнайтед» билан шартномаси тугаши сабабли эркин агент сифатида янги жамоасига ўтади.
