Мадриднинг «Реал» клуби ярим ҳимоячиси Иско мавсум якунида жамоани тарк этади. Футболчи «Севилья»га ўтиш ниятида. Бу ҳақда Италия матбуоти хабар бермоқда.
Қайд этилишича, Иско Андалусия клуби раҳбарияти билан бир неча бор музокара ўтказган. «Севилья» тажрибали футболчи билан ҳамкорлик қилмоқчи. Футболчининг шартномаси июнь ойида тугайди, шунинг учун «Севилья» уни текинга қўлга киритади.
Маълумот ўрнида, аввалроқ Иско хизматларига А серийанинг икки клуби, «Ювентус» ва «Милан» қизиқиш билдираётгани хабар қилинганди.
