Madridning «Real» klubi yarim himoyachisi Isko mavsum yakunida jamoani tark etadi. Futbolchi «Sevilya»ga o‘tish niyatida. Bu haqda Italiya matbuoti xabar bermoqda.

Qayd etilishicha, Isko Andalusiya klubi rahbariyati bilan bir necha bor muzokara o‘tkazgan. «Sevilya» tajribali futbolchi bilan hamkorlik qilmoqchi. Futbolchining shartnomasi iyun oyida tugaydi, shuning uchun «Sevilya» uni tekinga qo‘lga kiritadi.

Ma’lumot o‘rnida, avvalroq Isko xizmatlariga A seriyaning ikki klubi, «Yuventus» va «Milan» qiziqish bildirayotgani xabar qilingandi.