"Барселона" президенти Сандро Росель ҳимоячи Эрик Абидаль жигарни кўчириб ўтказиш бўйича қилинган 9 соатлик операциядан муваффаққиятли ўтганини маълум қилди.
"Эрик ва унга жигарининг бир қисмини қурбон қилган амакиваччаси ўзларини яхши ҳис қилмоқдалар. Бошқа ҳеч нарса айтолмайман, унинг қариндошлари мендан шуни илтимос қилишди", - дея унинг сўзларини келтиради El Periodico.
Эслатиб ўтамиз, ўтган йилда Абидалнинг жигаридаги шиш олиб ташланган ва бироқ, бу билан унинг соғлиги яхшиланмаган эди. Футболчи охирги марта 29 февралда Германия ва Франция ўртасидаги ўртоқлик ўйинида (1:2) майдонга тушган эди.
