Неаполга жўнаб кетиш олдидан «Барселона» «Месталья»да «Валенсия»ни 4:1 ҳисобида мағлуб этди.

Каталонияликлар дарвозабони Марк-Андре тер Штегендан Ла Лигадаги ишончли ғалабадан кейин жамоанинг кайфияти ҳақида сўрашди.

“Бу бошқа мусобақа, энг юқори даражадаги иккита жамоа ўзаро ўйнайди. Биз «Валенсия»дан кейин хотиржамроқмиз, аммо бу бугунги ўйин яхши ўтади, дегани эмас. Худди шундай руҳда давом этишимиз керак», - германиялик посбоннинг сўзларидан иқтибос келтирмоқда Football Italia.

Тер Штеген пенальтилар сериясига ҳам тўхталиб ўтди:

“Ҳа, бизда уларни бажара оладиган бир нечта ўйинчилар бор! Мен уларни акс эттиришга тайёрман. Бугун кечқурун улар устида машғулот ўтдик, лекин умид қиламанки, 90 дақиқа ичида ғалаба қозонамиз", деди у.

Эслатиб ўтамиз, каталонияликлар майдонидаги биринчи ўйин 1:1 ҳисобида якунланганди.