«Барселона»нинг собиқ ҳимоячиси аргентиналик Хавер Маскерано Каталония клубига фақатгина Лионел Месси сабаб келганини айтди. Месси Маскерано ҳақида гап очганида Гвардиола дастлаб бу ташаббус ҳақида эшитишни хоҳламади.
- Жанубий Африкада бўлиб ўтган жаҳон чемпионати вақтида Месси Гвардиолага мени «Барселона»да кўришни истаётганини айтганди. Лекин у эшитишни хоҳламади, менинг характеримдан қўрқди. Гвардиола ишондики, агар улар мени доим майдонга туширмаса, мен норози бўламан ва эътироз билдираман.
Шунинг учун аввалига Гвардиола билан учрашдик ва буларнинг барчасини муҳокама қилдик. У дарҳол захирада қолишимни ва захирада майдонга тушишимни айтди. Менинг услубим жамоага мос келмади, лекин мослашишга ваъда бердим. Энди айтмоқчиманки, Гвардиола менинг фаолиятимдаги энг яхши мураббий бўлган, - дейди Маскерано, TyC Sport билан суҳбатда.
